Компанијата Oppo го претстави своето ново револуционерно решени – првата „селфи“ камера која е сместена под самиот екран на паметниот телефон.
Производителите во изминатите неколку години на разни начини се обидуваа да пронајдат решение за тоа каде да ја сместат „селфи“ камерата, а притоа на корисниците да им понудат екран кој ќе се протега низ целата предна површина од телефонот.
Apple имаше „решение“ со таканаречениот “Notch”, односно засек на горниот дел од екранот, Samsung пак го претстави “Infinity O” екранот со мало дупче во горната десна страна каде што е сместена предната камера, а другите производители или нудат слични решенија, или се одлучуваат за „моторизирани“ компоненти, при што камерата излегува од самиот уред.
OPPO's brand new solution for full-screen display - Under-screen Camera (USC) has just been unveiled here at #MWC19 Shanghai! 🤯 #MoreThanTheSeen pic.twitter.com/c1FUEbXS0P
— OPPO (@oppo) June 26, 2019
Сега, Oppo е на чекор пред сите и го претстави според многумина идеалното решение – совршен екран на целата предна површина од телефонот, а под него, сместена е селфи камерата.
Од Oppo открија дека за екранот е искористен провиден материјал кој работи со редизајнирана структура на пиксели, така што светлото може да стигне до камерата. Самиот сензор е поголем од останатите „селфи“ камери, односно има леќа со поголем отвор на бленда. Делот од екранот останува чувствителен на допир и од Oppo велат дека квалитетот на екранот воопшто не е загрозен.
A brand new solution for full-screen display.
— OPPO (@oppo) June 24, 2019
OPPO Innovation Event @GSMA MWC Shanghai, June 26. Stay tuned. #MoreThanTheSeen #MWC19 pic.twitter.com/MWQH8m7bo7