За семејството на најдобриот светски тенисер Новак Ѓоковиќ, 17-ти јуни е посебен датум.
Јелена Ѓоковиќ денес го слави нејзиниот 33-ти роденден, а по тој повод на социјалните мрежи ѝ пристигнале многубројни честитки.
Новак во интервју за германското списание „Die Welt“ открил детали од својот однос со Јелена, за што иначе никогаш не зборува.
„Сè ѝ должам на мојата сопруга Јелена“ - изјавил Новак и продолжил:
„Таа ми помогна кога бев буквално “скршен“. Ми помогна кога повеќе немав мотивација да играм тенис. Тоа повеќе не ми се допаѓаше па ја прашав дали е вредно постојано да се соочувам со болката и заморот... Сакам да престанам“.
Ѓоковиќ моментално одмора во кругот на семејството и ги полни батериите за продолжување на сезоната каде што прво го очекува Гренд слем на Вимблдон.
