Киа ја најавила премиерата за рестилизираната лимузина K7/Cadenza.
Корејскиот произведувач објавил неколку дизајнерски цртежи од луксузната лимузина која на тамошниот пазар се продава под ознаката K7, а во другите земји е позната како Cadenza.
Со рестилизацијата се опфатени новата маска на ладилникот, фаровите и браниците, а модернизиран е и изгледот на стоп светлата.
Внатрешноста на автомобилот исто така претрпела одредени стилски промени, вклучувајќи нов дизајн на командната таба и централната конзола.
На купувачите на располагање ќе им биде и новиот, поголем екран со мултимедијален систем, а редизајнирани се и вентилациски отвори и команди за клима уредот.
Засега не е познато дали и какви промени ќе претрпат погонските групи на овие лимузини, а повеќе детали ќе бидат соопштени по премиерата на моделот K7/Cadenza за 2020-та.
