Претседателот на Србија, Александар Вучиќ, пристигна во Собранието каде ги извести пратениците и граѓаните на Србија за најновите случувања во Косово и Метохија.
Претседателот изјави дека веќе се предупредени дека албанските сили припремаат апсења под изговор за борба против криминалот и дека тоа ќе донесе огромен страв кај српскиот народ.
“Утрово пред 6 часот започна таа операција и досега упаднаа на територијата на северот на Косово со 73 возила и уште 50 возила во јужна Митровица, 15 на територијата на општина Србица, додека 8 се веќе упатени преку брдата на територијата на општината Зубин поток. Досега имаме потврдено апсење на 23 лица од српска и бошњачка националност на територијата на три општини – Зубин Поток, Косовска Митровица и Лепосавиќ”, изјавил Вучиќ и додал дека до конфликтот дошло во местот Вараге и во клисурата пробиле три барикади на албанските специјалци.
Претседателот додал и дека има докази дека Албанците пукаат врз Србите, но дека Србите немаат никакво оружје.
“Стапив во контакт со бриселската администрација, ги запознавме со ситуацијата и тие нѝ соопштија дека во тек е полициска акција против криминал и корупција. Секако, тие ќе уапсат уште 5 полицајци од албанска националност за изгледа дека ваквата акција е против криминалот, а целта е всушност да се заплашат Србите. За првпат почувствував доза на вознемиреност дека ваквите акции можат да продолжат”.
Александар Вучиќ изјавил пред пратениците дека стапиле во контакт со НАТО, но дека тие не можат да се мешаат во оваа ситуација:
“НАТО нѝ соопшти дека денешната акција е борба против корупција и криминал и тоа е сè што можеа да нѝ кажат. Повикаа да се смириме и да сфатиме дека станува збор за акција за борба против корупција. Доволно нѝ е јасно за какво лицемерие станува збор и утрово наредив полна борбена готовност. Свесни сме за сè што се случува и ќе продолжиме да работиме на зачувување на мирот и стабилноста”.
По обраќањето на претседателот, Собранието на Србија ја продолжи седницата на чиј дневен ред е разгледување на извештаите за Косово и Метохија. Александар Вучиќ побара од западните политички центри да ја “скротат” Приштина и стави до знаење дека Србија нема да дозволи етничко чистење на Косово.
