Џулијан Асанж бил уапсен во Лондон, соопштила британската полиција.
Асанж бил изнесен од еквадорската амбасада во Лондон, каде минал 6 години во страв од екстрадиција во САД.
Полицијата во официјалното соопштение навела дека Асанж бил уапсен бидејќи не се предал во суд, по што бил однесен во полициската станица. Полицијата ја повикала самата амбасадата на Еквадор откако му бил укинат азилот.
Викиликс го обвинил Еквадор дека незаконски го укинал политичкиот азил на Асанж во амбасадата и со тоа ги прекршил меѓународните закони.
Во средата било соопштено дека Асанж бил предмет на софистицирани шпионски операции во еквадорската амбасада во која се наоѓа од 2012-та година.
Викиликс открил голема операција на шпионирање против Асанж во еквадорската амбасада, изјавила Кристин Храфнсон, главна уредничка на Викиликс и додала дека "иселувањето" на Асанж од амбасадата можело да се случи во било кој момент.
Односот на Асанж со службениците на Еквадор значително се влошил откако на функција стапил новиот претседател Ленин Морено во 2017-та година.
In a sovereign decision Ecuador withdrew the asylum status to Julian Assange after his repeated violations to international conventions and daily-life protocols. #EcuadorSoberano pic.twitter.com/pZsDsYNI0B
— Lenín Moreno (@Lenin) April 11, 2019
Морено изјавил дека Еквадор одлучил да му го укине азилот бидејќи неколку пати го прекршил протоколот и меѓународните конвенции.
Асанж се наоѓал во амбасадата на Еквадор во Лондон од јуни 2012-та година, за да избегне екстрадиција во Шведска поради обвиненија за силување и сексуално злоставување, кои тој ги демантира.
WATCH: Moment Julian Assange is CARRIED out of the Ecuadorian Embassy in London. pic.twitter.com/OEeqmoksGr
— RT UK (@RTUKnews) April 11, 2019
Медиумите претходно пренеле дека на Асанж му се заканува апсење бидејќи во 2002-ра година ја прекршил условната слобода и дека може да биде уапсен кога ќе излезе од амбасадата на Еквадор. Покрај Шведска, во САД се води истрага бидејќи Викиликс објавил стотина илјади страници од американски дипломатски преписки и тајни воени документи.
BREAKING: Julian Assange arrested after Ecuador tears up asylum deal https://t.co/0q2PplxFOC pic.twitter.com/a5oauFjNVR
— RT UK (@RTUKnews) April 11, 2019