Бразил го отфрлил постоењето на било каков ризик да дојде до судир на границата со Венецуела по објавата на венецуелскиот претседател Николас Мадуро да ја затвори таа граница.
"Бразилската влада засега не идентификувала можност за судир затоа што станува збор за хуманитарна помош", рекол вчера во Бразилија портпаролот на претседателството, Отавио Рего Барос.
Тој додал дека Бразил планира да пружи своја логистичка помош за достава на таа помош за Венецуела во сабота. Исто така, потсетил дека операцијата околу хументираната помош нема да ја мине границата и додал дека храната и лековите ќе бидат пренесени во Венецуелски камиони кои ќе ги возат Венецуелци.
JUST IN: Venezuela's Nicolas Maduro has announced that he will close the border with Brazil and is considering closing the border with Colombia, ahead of opposition plans to bring in humanitarian aid despite his objection.https://t.co/T7gYVAiBPB pic.twitter.com/BdfpkvI9Ph
— euronews (@euronews) February 21, 2019
Мадуро вчера наредил затворање на границата меѓу Венецуела и Бразил, два дена по најавеното доаѓање на хуманитарната помош во земјата. Доаѓањето на помошта го најавил опозиционерот и самопрогласениот привремен претседател Хуан Гваидо.
Потпретседателот на Бразил, Хамилтон Мурао, не смета дека таа одлука на Мадуро претставува акт на агресија.
"Мислам дека таа реакција е само за да се блокира доставата на хуманитарна помош. Венецуела има право да прави што сака од својата страна на границата", рекол Мурао.
