Францускиот претседател Емануел Макрон во интервјуто за „Economist“ навел два услови за праќање на војската во Украина.
Макрон тврди дека би разгледал праќање на војска во Украина во случај руските слики да го пробијат фронтот и Киев да ја повика Франција на помош.
„Ништо не исклучувам бидејќи од другата страна никој ништо не исклучува. Мислам дека бевме премногу сомничави кога на почетокот на војната ги дефиниравме границите на нашето делување. Имам јасна стратешка задача. Ако Русија победи во Украина нема да има безбедност во Европа“, рекол францускиот претседател за „Economist“.
Макрон потсетил дека Париз веќе праќал воен персонал во други земји и тоа најмногу во Африка да се борат против тероризмот.
Наведува дека ни другите западни земји не би требало да ја отфрлат опцијата за праќање на свои воени трупи во Украина, со оглед на тоа дека летото 2022-ра година прво одбиле можност за праќање на авиони и ракети со долг досег, а сега сето тоа му се испорачува на Киев.
Макрон, меѓутоа, како што објаснува украинскиот портал „Страна“, не зборува за праќање на трупи во Украина за вршење на борбени зачади, туку за тимови за обука, чистење на мини и друго.
„Страна“ потсетува и дека поранешниот министер за одбрана Џејмс Хепи ја поддржал идејата на Макрон да прати западни трупи во Украина на обука. Хепи смета дека едноставно праќање на 1.000 тенкови и 1.000 артилериски оружја нема да биде доволно за победа на украинските вооружени сили.
„Тоа не е функционира така“, рекол Хепи.
Генералниот директор на НАТО, Јенс Столтенберг, меѓутоа, неодамна изјавил дека Северноатлантската алијанса не планира да праќа трупи во Украина.
Францускиот претседател, потсетуваме, во февруари рекол дека Париз ќе направи се да спречи Русија да победи во војната. На прес-конференција во Париз за помошта на киевскиот режим го отворил прашањето за префрлање на трупи во зоната на борбени дејствија, но не го поддржале ни европските лидери, ниту опозицијата во неговата земја.
Макрон потоа на почетокот на март исто така нагласи дека Франција нема црвени линии во прашањето за поддршката на Украина.
