Во земјава денеска е втор ден на жалост по автобуската несреќа, што се случи пред два дена на патот Скопје-Тетово, а во која животот го загубија 14 луѓе, а 37 беа повредени.
Според последните информации, во критична состојба се наоѓаат петмина од повредените, од кои двајца се хоспитализирани во ГОБ „8-ми Септември“, а тројца на скпските клиники.
МВР ги утврди идентитетите на загинатите, а беше извршен и увид на местото на несреќата. Автобусот вчера беше однесен во касарната во Ѓорче Петров, каде професори од Машинскиот факултет ќе вршат вештачење на истиот.
Анализата на примероците на крв и урина покажаа дека во моментот на несреќата кај возачот не е регистрирано присуство на алкохол, лекови или психотропни супстанции. Со барање листинзи од мобилен оператор ќе се утврдува дали возачот во моментот на несреќата користел мобилен телефон“, соопштија од Обвинителството.