Следната година Самсунг ќе ја претстави јубилејната 10-та генерација на своите паметни телефони од Galaxy S серијата.
Благодарение на луѓето кои што имаат одлични извори во мобилната индустрија, во пресрет на претставувањето на најпопуларните модели на пазарот испливуваат информации кои што во најголем дел се точни.
Самсунг во февруари идната година ќе ја претстави јубилејната 10-та генерација на Galaxy S серијата, а речиси сигурно е дека јужнокорејците ќе претстават три телефони од оваа серија.
A case manufacturer's expectations for the Galaxy S10 lineup: pic.twitter.com/lrExjvalcb
— Evan Blass (@evleaks) December 8, 2018
Главната карактеристика на сите три модели ќе биде дупката во екранот каде што би требало да биде сместена камерата – Самсунг веќе претстави еден ваков телефон (Galaxy A8s) и се чини дека таквиот начин на сместување на предната камера ќе стане тренд кој делумно ќе го замени непопуларниот “notch”.
Најмоќниот од трите Galaxy S10 модели ќе биде моделот Plus кој би требало да има екран со дијагонала од 6,4 инчи, а неговата цена на британскиот пазар би требало да изнесува 899 фунти за основниот модел со 128 GB интерна меморија.
Few preliminary Galaxy S10 details:
— Evan Blass (@evleaks) November 13, 2018
- "Punch hole" style selfie cam cutout (sounds like Infinity-O display).
- Ultrasonic, in-display FPS
- Three rear cameras (standard/wide/tele)
- One UI over Android Pie
Класичниот модел ќе има екран со големина од 6,1-инчи и почетна цена од 799 фунти, додека најповолен модел ќе биде моделот со најмал екран од 5,8-инчи кој ќе биде единствениот кој нема да биде закривен и ќе се продава по почетна цена од 669 фунти.
На задната страна се очекува да бидат поставени три камери – класична, широкоаголна и телефото камера, но резолуцијата на камерите засега не е позната. Од останатите опции се споменува и сензор за отппечатоци на прсти имплементиран во самиот екран, потоа Powershare, односно можност за бежично полнење на други паметни телефони и 3,5 мм влез за слушалки.