Во водите на Јужниот океан научниците открија необично, безглаво морско суштество.
Ова суштество кое што според многумина изгледа на „безглаво пиле“, за прв пат било забележано како плива во близина на бреговите на источен Антарктик.
„Снимките не оставија без зборови. Ова е животински вид каков што досега не сме виделе во овој дел од светот“, изјави Дирк Велсфорд од програмата на Австралиската антарктичка дивизија.
Behold the majestic "headless chicken monster" or Enypniasties eximia, spotted recently in the Southern Ocean for the first time on an Australian fisheries camera. https://t.co/jQHv5L0uE3 pic.twitter.com/ZeChEiivCy
— Antarctic Division (@AusAntarctic) October 20, 2018
Телото на новооткриеното суштество е транспарентно, а од досегашните испитувања, научниците заклучиле дека најмногу време поминува на дното од океанот, користејќи ги своите мрежести пераи со чија што помош се движи. Подоцна било утврдено дека станува збор за “Enypniastes Eximia”.
Станува збор за „морска краставиица“ која што претходно била забележана само на едно место, во Мексиканскиот залив во 1984-та година и засега не е јасно како суштеството се нашло во Јужниот океан.
