Руските системи ги блокирале Американците во Сирија: Пентагон во паника ангажирал специјална агенција за електронска војна

Агенцијата на Министерството за одбрана на САД одговорна за развој на нови технологии на војската на САД - DARPA - во текот на неколку месеци добила договори во вредност од најмалку 9,6 милиони долари за радио системи дизајнирани да ги заштитат американските сигнали кои се користат за организирање на воздушни и артилериски удари. 

Договорите со американските одбранбени компании "Nortrop Gruman" и "L3 Technologies" доаѓаат за време на растечката загриженост дека Русија би можела да ги пресретнува и манипулира американските целни податоци.

"DARPA" во договорите вели дека програмата има за цел одбрана од таканаречен убиствен ланец, овозможена од оружје за електронско војување, кое би можело да ги парализира противниците и потоа да ги уништи.

Русија распоредила неколку системи за електронско војување во Сирија, за да ја одбрани базата и воздушните средства кои се способни да ги попречуваат и измамат американските системи, велат експертите.

"Американската војска препознава дека руските способности за електронско војување се развиваат до точка каде може да претставуваат закана за американските системи", рекол Самјуел Бендет, истражувачки аналитичар на CNA, одбранбен аналитички центар во Вашингтон. "Кога станува збор за Сирија, Русија ја користи како голема лабораторија за своето оружје".

Најавата за програмот на "DARPA" дошла бидејќи американските воени службеници се повеќе изразуваат загриженост, како приватно, така и јавно, за заканите на руските системи за електронско војување на бојното поле во Сирија.

Во април "NBC News" известил дека руската војска попречувала GPS сигнали на американските дронови во Сирија, техника која првобитно била усовршена во Украина. Шефот на американскиот тим за специјални операции, генерал Рејмонд Томас, ја нарекол Сирија уништена земја за "најагресивно електронско војување на планетата".

Програмата ќе ја поддржат Командата за специјални операции, Маринскиот корпус и Воздухопловната команда, кои се задолжени за спасување на исчезнати американски војници. Портпаролот на "DARPA" не одговорил на барањето за коментар. Претставник на компанијата "L3 Technologies", една од добитничките на договорот за радио технологија, одбил да одговори на истото прашање на саемот на американската војска од минатата недела.

Американската кампања во Сирија, вклучувајќи ја и борбата за поранешната престолнина на ИСИС, Рака, силно се потпирала на интеграцијата на воздушната поддршка со посреднички сили, како што се Сириските демократски сили. Поранешни воени офицери рекле дека напредниот руски систем за електронско војување потенцијално може да биде искористен за пружење на лажни податоци за цели на американската војска.

"Ако непријателот може да си игра со тие компјутери и да дава погрешни податоци, вие потенцијално можете да повикате на воздушни удари на сопствена положба", рекол Адам Рут, истражувач соработник во Центарот за нова американска безбедност и поранешен воен ренџер кој помогнал во директната американска воздушна поддршка во Авганистан. "Тоа е високо ризична активност. Вие не сте оддалечени на неколку километри. Вие сте во главно на неколку стотини метри".

Главен предизвик, рекол Рут, е тоа што американската војска навикнала да делува во благи окруженија како Авганистан, каде има помалку софистицирани предизвици да ја оспорат американската воздушна моќ на бојното поле. Но, ако војската повеќе не може да комуницира или да развие податоци за целење, "воздушната поддршка одзема повеќе време или станува невозможна", рекол тој.

Американскиот командант рекол дека војската се буди по прашањето на сериозноста за оваа закана, откако Русија ги престигнала во текот на минатите години.

"На фронтот на комуникациите мораме да ги обезбедиме нашите мрежи", рекол генералот-потполковник на американската војска, Пол Фанк, кој командувал со американската коалиција која се борела против ИСИС во Ирак и Сирија до јуни. "Нашите противници константно ќе се прилагодуваат, па ние мораме да се прилагодуваме побрзо и почесто".

Фанк, кој сега командува со III корпус на војската од Форт Худ во Тексас, рекол дека тој не бил запознаен со програмата во рамките на "DARPA".

Од влегувањето во судирот во 2015. година, Русија ротирала многу трупи во Сирија, рекол Бендет. Валериј Герасимов, кој ги води Московските вооружени сили, го опишал сириското бојно поле како вовед во идните војни. Тоа вклучува и водење на електронски војни и воена обука. "Кога зборувам за руските ЕВ системи, тоа е константна обука", рекол Бендет. Тие го прават тоа секојдневно.