Кејлор Навас се врати на голот на Реал Мадрид откако три натпревари во низа остана на клупата за резерви, но ниту неговото присуство меѓу стативите не му донесе среќа на Хулен Лопетеги, бидејќи „кралевите“ врзаа трет последователен меч без победа во сите натпреварувања.
По убедливиот пораз од Севилја и ремито со Атлетико Мадрид, Реал Мадрид изминатава ноќ доживеа болен пораз од ЦСКА Москва, но покрај остварениот резултат, повеќе од разочарувачки е тоа што на споменатите три натпревари, играчите на „кралскиот клуб“ не успеаја да постинат ниту еден гол.
Тоа ја натера шпанската јавност да почнува да пишува дека веќе во Реал почна да се чувствува отсуството на Кристијано Роналдо, а изјава на оваа тема даде токму костариканскиот чувар на мрежата.
– Кристијано направи толку многу во Реал Мадрид и јасно е дека не може да покрието сонцето само со еден прст од раката. Но, исто така, не можеме да живееме од минатото. Му посакуваме се најдобро во новата средина, но треба да гледаме на нашата благосостојба тука. Мора да се бориме заедно на секој натпревар и да ги добиваме натпреварите. Не треба да мислиме на што се случило претходно, – потенцира Навас.
