Тренерот на Реал Мадрид, Хулен Лопетеги го објави списокот од 20-те фудбалери кои што ќе патуваат во Москва каде што Реал ќе се судри против ЦСКА во рамките на второто коло од групната фаза на Лигата на шампионите.
Актуелниот европски шампион во Москва ќе биде прилично ослабен – веќе е познато дека Лопетеги не може да смета на услугите на Марсело и Иско, а против ЦСКА нема да настапат ниту капитенот Серхио Рамос, како и Герет Бејл.
Бејл на полувремето го напушти дуелот против Атлетико Мадрид, а како што пренесуваат шпанските медиуми, Велшанецот има проблеми со препоните. Покрај тоа, Лопетеги одлучил да го одмори и Рамос, а најверојатно младиот Бразилец Винисиус ќе добие шанса за игра.
Натпреварот помеѓу ЦСКА Москва и Реал Мадрид е закажан за во вторник во 21:00 часот.
