Температурите на северната полутопка во последните недели се многу високи, а кај многу луѓе топлото и сончевата светлина можат да бидат рецепт за главоболка. Германскиот институт за главоболки, интернетската платформа посветена за овозможување на информации околу тој проблем објави 5 совети како да спречите главоболка.
Силната сончева светлина ги надразнува мозочните нерви. Тоа може да предизвика главоболка, но и да биде причинител за појава на мигрена. Поради тоа се препорачува носење на очила за сонце, а исто така е важно да се носи шешир за да се заштитат крвните садови и нервите на челото.
Кога се потиме, нашето тело губи голема количина на важни минерали. Се зголемува крвотокот во кожата и се намалува крвниот притисок, предизвикувајќи главоболка кај многу луѓе. Исто така, кога е топло се препорачува внесување на барем еден литар вода. Солената ужинка помогнува да се надоместат потрошените минерали.
Високата температурна разлика помеѓу надворешната средина и онаа од затворените климатизирани простории е потенцијален причинител за главоболка. Ако разликата е поголема од 5 степени се препорачува да се облечете со дополнителен слој на облека за да Ви биде топло сè додека Вашето тело не се прилагоди на пониската температура.
Парфемите подобро се чувствуваат кога е топло, така што луѓето кои страдаат од мигрена ќе бидат дополнително осетливи на тоа. Имајте го тоа на памет и одберете лосион без мирис.
Нешто многу студено во Вашата уста може да биде заслужно за така нареченото brain freeze. Така што поладната храна и пијалаци треба да се консумираат побавно.