Булеварот Партизански одреди е целосно поплавен, а возилата се движат отежнато, по невремето што попладнево го зафати главниот град.
Насекаде има откорнати дрвја, расфрлани предмети и уништени автомобили…
Откорнато дрво од силниот ветер го блокираше сообраќајот во населбата Острово на крстосницата во близина на основното училиште.
Дрвото е паднато на тротоарот но и на коловозот, поради што возилата неможат да се движат.
Подвозникот на булевар Кочо Рацин е целосно под вода. Сообраќајот е во прекин поради големото количество вода насобрано по силното невреме.
Надлежните се на терен за да се санираат последиците од невремето.
