Средно училиште во Санта Фе, САД, издало предупредување дека во тек е пукање во училишните простории.
Полицијата веднаш одговорила на пријавата и моментално голем број на полициски автомобили се наоѓаат на самото место, потврдиле локалните медиуми.
Како што може да се види на снимката, полицијата ги блокирала сите приоди до училиштето.
Еден од сведоците за "ABC" рекол дека пукањето на кампусот се случило на час по уметност.
Исто така, еден од сведоците рекол дека го видел напаѓачот како пука во една девојка. Официјални потврди за повредени или настрадани нема.
Santa Fe High School on lockdown after a situation with an active shooter on campus. Witnesses say the shooting took place in an art class on campus between 7:30 and 7:45 a.m.
— ABC13 Houston (@abc13houston) May 18, 2018
LIVE COVERAGE: https://t.co/lUUGfKCRsj pic.twitter.com/v28UIsMffX
На Твитер се појавиле фотографии од пожарни возила и возила на Итна помош кои се во околината на училиштето, како и хеликоптери кои го надлетуваат училишниот кампус.
На една од снимките од воздух се гледа дека полицијата ги претресува учениците пред паркираните школски автобуси.
Еден од родителите кој се јавил во живо во програм на ТВ "ABC", тврди дека видел барем 4 повредени. Како што рекол, тој седи во автомобилот и чека да биде соопштено во каква состојба се децата.