Северна Кореја денеска се закани дека ќе преземе силни контрамерки како одговор на притисокот на САД или какви било нови санкции кои евентуално би ѝ биле наметнати поради програмата за тестирање на ракетниот систем и ги обвини САД дека сакаат војна.
„Ќе одговориме на варварскиот заговор за санкции и притисок од САД со сопствени силни контрамерки“ се наведува во соопштение.
Во соопштението на севернокорејската влада обвиненија се упатени и на сметка на Јужна Кореја и Јапонија дека го користат рускиот форум во Владивосток за водење расипана политика наведувајќи дека тој настан е наменет на разговорите за економска соработка во регионот, а не за критиките на нејзината програма за ракетно тестирање.
Тоа ветување следува по барањето на САД од Советот за безбедност да воведе нови санкции за нафта на Северна Кореја да ѝ забрани извоз на текстил, вработување работници од Северна Кореја во странство и на Ким Јонг-ун да му се забрани патување и да му се замрзне имотот.
Инаку, рускиот претседател денеска претходно изјави дека кризата на Корејскиот Полуостров нема да ескалира во големи размери со нуклеарно оружје, предвидувајќи дека, сепак, ќе надвладее здравиот разум.
