Два месеци после официјалното претставуање, Android Wear 2.0 OS конечно тргна во продукција.
И натаму не е баш сигурно во која насока ќе се движи пазарот на паметни часовници, а иако голем број на престижни компании веќе развија свои паметни часовници, сепак тоа ниту одблиску не е доволно за да се случи некаква голема експанзија на тој пазар.
Доказ за тоа е сосема неразбирливата дистрибуција на новата верзија на оперативниот систем за паметни часовници, Android Wear 2.0. Иако беше службено претставен пред речиси два месеци, дури сега започна неговата дистрибуција на паметните часовници, односно да бидеме попрецизни, на три модели на паметни часовници.
Fossil Q Founder, Casio Smart Outdoor и Tag Heuer Connected се моментално единствените модели на паметни часовници кои што добија надградба на оперативниот систем и добија Android Wear 2.0.
Оваа динамика е помалку чудна, ако речеме дека е познато дека Android Wear 2.0 Developer Preview верзијата на оперативниот систем беше тестирана на некои модели на паметни часовници како што се Huawei Watch и LG Watch Urbane 2nd Edition. Поради тоа, на никому не му е јасно зошто и овие модели не се вклучени во првиот бран на официјална дистрибуција на Android Wear 2.0.
Кога останатите модели ќе го добијат оперативниот систем Android Wear 2.0, засега не е познато, а ова е листата на паметни часовници кои ќе го поддржуваат оперативниот систем:
ASUS ZenWatch 2, Asus ZenWatch 3, Casio Smart Outdoor Watch, Casio PRO TREK Smart, Fossil Q Founder, Fossil Q Marshal, Fossil Q Wander, Huawei Watch, LG G Watch R, LG Watch Urbane, LG Watch Urbane 2nd Edition LTE, Michael Kors Access Smartwatches, Moto 360 2nd Gen, Moto 360 for Women, Moto 360 Sport, New Balance RunIQ, Nixon Mission, Polar M600 и TAG Heuer Connected.
