Лежерни скирол-масички за модерни ентериери

Масичките се интересни за ентериерите уредени во поалтернативен, неформален дух, каде што е дозволено експериментирање со идеи, форми и со материјали.


Масичките потсетуваат на безгрижните моменти од младоста, слободата и креативноста при возењето скирол, спонтаноста кога скиролот од средство за забава, игра и превоз случајно станува мала масичка каде што може да се постави пикник или пијалаци додека сте со пријателите во парк.


Холандските дизајнери имаат изработено два модели на масички, и тоа целосно дрвени маси, каде што површината е изработена од висококвалитетно буково дрво, основата од канадски јавор. Масичката е лесна и стабилна, со штрафови во портокалова боја. Вториот модел е масичка со дрвена даска за скирол и железни ногарки во ретростил, малку потешка од претходната, но исто така стабилна и цврста.


Забавните, опуштени скејт-масички се одраз на стилот на живот и забава на „Baked Roast“, кои, како што велат, уживаат во возењето скирол и сурфањето и својата љубов кон спорот ја пренесуваат преку дизајнирањето модерен мебел.