И покрај договорот, демонстрациите во Истанбул продолжија

Точка

15/06/2013

11:24

2.502

Големина на фонт

а а а

"Ќе продолжиме со отпорот и ќе се спротивставиме на секоја неправда која се случува во нашата земја", било соопштено од главната група која ги претставува демонстрантите.

Демонстрантите во Истанбул соопштиле дека нема да се повлечат од паркот Гези, епицентарот на двонеделните антивладини протести, додека пак полицијата во Анкара вчера со водени топови и солзавец ја растерала групата која во текот на ноќта поставила барикади во близина на зградата на турскиот парламент, пренесува AP.

Демонстрантите во Истанбул соопштиле дека нема да се повлечат и покрај тоа што премиерот Ердоган објавил дека се сложува да го суспендира спорниот план за градење и преуредување на паркот.


"Ќе продолжиме со отпорот и ќе се спротивставиме на секоја неправда која се случува во нашата земја", било соопштено од главната група која ги претставува демонстрантите.

Ердоган вчера се согласил да го суспендира спорниот план за изградба и преуредување на паркот, кој бил и повод за почеток на протестите и побарал од демонстрантите да се повлечат.

Во текот на протестите во Турција загинале пет, а речиси 5.000 лица биле повредени.


Спонзорирани линкови

Маркетинг