Како од секојдневен проблем се раѓа дизајн: Бесплатно предавање во „Јавна соба“

Точка

22/11/2026

15:30

217

Големина на фонт

а а а

Грчкото студио papairlines денес од 16 часот ќе зборува за предметите што луѓето сами ги создаваат за да решат практичен проблем.

Што прават луѓето кога предметите што им требаат ги нема во продавница? Со примери од Грција, студиото papairlines денес ќе зборува за решенијата што луѓето сами ги осмислуваат и изработуваат. Предавањето е закажано за 16 часот во „Јавна соба“ во Скопје, со слободен влез.

Според најавата за настанот, Васо Асфи, Костас Бисас и Лукас Ангелу ќе ги споделат искуствата од работата на двата тома на нивната книга за грчките секојдневни решенија. Публикациите документираат предмети што луѓето ги направиле за сопствени потреби.

Архивска фотографија од центарот на Скопје

Архивска фотографија од центарот на Скопје · Фото: Mike Norton · CC BY 2.0

Темата на разговорот е што можат професионалните дизајнери да научат од луѓето што сами си ги решаваат практичните проблеми. Предавањето е дел од Скопската недела на дизајн, а терминот и локацијата се наведени и во календарот на Скрол.