Сонце преку ден, дожд навечер: Какво време нè очекува денеска

Точка

22/11/2026

09:13

772

Големина на фонт

а а а

Неделата ќе донесе сончеви периоди, но вечерва и во текот на ноќта повторно се очекува дожд, претежно на запад. Од понеделник следува промена со постуден воздух и снег на планините.

Денеска, недела, 22 ноември, во Македонија ќе има променливо облачно време со сончеви периоди, според Управата за хидрометеоролошки работи.

Дожд се очекува во вечерните часови и во текот на ноќта, претежно во западните делови. Ќе дува јужен ветер со слаб до умерен интензитет, кој попладне наместа повремено ќе се засилува.

Илустративна фотографија. Фото: Atahan Demir / Pexels

Какво ќе биде времето во Скопје?

И во главниот град денот ќе помине со променлива облачност и сончеви периоди, со слаб до умерен ветер од југ.

Од понеделник пристигнува постуден воздух

За утре, 23 ноември, УХМР прогнозира локален дожд и продор на постуден воздух од север. Попладне на планините дождот ќе преминува во снег. Ветерот ќе биде засилен, наместа повремено силен, претпладне западен, а попладне северен.

Во понеделник утринските температури ќе се движат од 3 до 9 степени, а дневните од 13 до 19 степени.

Во вторник, 24 ноември, се очекува сончево, но постудено време со мала до умерена облачност. Утринските температури ќе се спуштат до −4 степени, а максималните ќе бидат од 6 до 13 степени.