Европско-јапонската мисија треба да стигне во орбита на 21 ноември. Двете летала треба да се одвојат во декември и да почнат со научни мерења во април 2027 година.
Европската вселенска агенција (ЕСА) за 21 ноември го планира влегувањето на „БепиКоломбо“ во орбита околу Меркур. Заедничката мисија на ЕСА и јапонската вселенска агенција ЈАКСА патува до најблиската планета до Сонцето од октомври 2018 година.

Меркур при првото прелетување на „БепиКоломбо“ во октомври 2021 година. Фото ESA/BepiColombo/MTM / Wikimedia Commons · CC BY-SA 3.0 IGO
Насловна фотографија: NASA / Johns Hopkins University Applied Physics Laboratory / Carnegie Institution of Washington / Wikimedia Commons.
Архивски снимки од осумгодишното патување. Видео ЕСА / BepiColombo / MTM
Според распоредот на ЕСА, двете научни летала треба заедно да влезат во орбитата. Европскиот планетарен орбитер и јапонското летало „Мио“ треба да се одвојат на 9 и 10 декември.
Со тоа мисијата треба да стане првата со две летала што истовремено орбитираат околу Меркур. Научната фаза е планирана за април 2027 година, откако леталата ќе се постават во орбитите потребни за мерењата.












