[ВИДЕО] „Имаш 37 години и две деца“: Сопругата го исмевала поради видеоигра - Евертон му го оствари сонот

Точка

19/11/2026

20:54

502

Големина на фонт

а а а

Навивач на Евертон глумел тренер во спалната соба, сè додека сопругата не го снимила и не почнала да му се потсмева. Снимката го обиколи светот, а клубот го покани да одржи вистинска прес-конференција.

37-годишниот маж, познат на социјалните мрежи под прекарот „The Fat Centre Back“, ја играл играта „Football Manager“, а по натпреварот одржал импровизирана прес-конференција во улога на тренер на Евертон. Сето тоа го правел седејќи во спалната соба.

Тогаш во собата влегла неговата сопруга и го снимила.

„Имаш 37 години, две деца, а седиш во спалната соба, играш „Football Manager“ и се преправаш дека водиш екипа“, му рекла таа.

Снимката брзо се проширила на социјалните мрежи и стигнала до клубот. Евертон одлучил да му го оствари сонот на навивачот и го поканил да одржи прес-конференција во просториите на клубот.

На снимката што клубот ја објави во средата, навивачот го пречекал и капитенот Џејмс Тарковски.

„Добро утро, тренеру“, го поздравил Тарковски.

„Добро утро, капитене“, одговорил навивачот, кој подоцна изјавил дека „на сите им раскажал дека капитенот бил таму“.