Американскиот претседател Доналд Трамп, рускиот претседател Владимир Путин и кинескиот претседател Ши Џинпинг се сретнаа во кинескиот град Шенжен на самитот АПЕК, каде што се ракуваа и разговараа пред утрешната историска трилатерална средба. На дневен ред се теми како меѓународна безбедност, војните во Украина и Иран, трговските односи и нуклеарното вооружување.
Американскиот претседател Доналд Трамп, рускиот претседател Владимир Путин и кинескиот претседател Ши Џинпинг се сретнаа во кинескиот град Шенжен, каде што се одржува самитот на Азиско-пацифичката економска соработка (АПЕК).
Тројцата лидери се ракуваа и накратко разговараа пред свечената вечера организирана од кинескиот претседател. Трамп и Путин пристигнаа во Меѓународниот комуникациски центар во Шенжен, каде што се поздравија, а потоа им се придружија на останатите лидери за заедничко фотографирање.
Putin, Trump and Xi Jinping shake hands and briefly exchange remarks. https://t.co/0epxbYNJJm
— Clash Report (@clashreport) November 18, 2026
Средбата се одржува во пресрет на најавениот трилатерален состанок на Трамп, Путин и Ши, закажан за утре, 19 ноември, на маргините на самитот АПЕК. Се очекува да разговараат за меѓународната безбедност, војните во Украина и Иран, трговските односи и нуклеарното вооружување.
Кремљ претходно најави дека Трамп и Путин би можеле да се сретнат повеќепати за време на самитот, вклучително и на разговори во потесен состав, без големи делегации.
Трамп пристигна во Шенжен претходно денеска, каде што Ши лично го пречека на аеродромот, отстапувајќи од вообичаениот дипломатски протокол. Кинескиот претседател изрази надеж за конструктивни разговори и постабилни односи меѓу Кина и САД.
Путин, пак, претходно денеска одржа повеќе од двочасовна средба со Ши, на која двајцата претседатели ја истакнаа важноста на соработката меѓу Русија и Кина.








