Рене Хендеркамп (59), матичен лекар, која на британската телевизија „GB News“ работи како водителка и коментаторка, во програма во живо објави дека го очекува своето трето дете, осум години откако ја родила ќерката Алис.
Хендеркамп изјави дека моментално е во 12-та недела од бременоста. Детето е зачнато со замрзнати јајце-клетки, по три обиди за вонтелесно оплодување (ИВФ) во една клиника во Полска. Според пишувањето на „Daily Mail“, таа очекува девојче. На „GB News“ редовно учествува во панел-дискусии во емисиите, пишува колумни и секоја недела одговара на здравствени прашања на гледачите на телевизијата.
Првото дете, синот Калум, го родила на 21-годишна возраст. Тој денес има 37 години и и самиот е татко. Ќерката Алис ја родила 30 години подоцна, на 51-годишна возраст, а девојчето сега има седум години.
GB News presenter Dr Renee Hoenderkamp, 59, left her fellow panellists stunned after revealing live on air that she is 12 weeks pregnant with her third child!
Hoenderkamp, who welcomed her first child at 21 and her second at 51, revealed she is expecting a baby girl following three rounds of IVF treatment in Poland using previously frozen eggs.
Already a grandmother, the presenter has previously faced criticism for having children later in life but maintains that becoming a mother again in her 50s was one of the best decisions she ever made.
— TheShadeBorough (@theshadeborough) November 15, 2026
Хендеркамп ја соопшти веста во саботата, за време на разговорот за стравовите на жените и девојчињата во селото Пидингтон, во Оксфордшир. Владата планира во близина на тоа село, во адаптирана воена база оддалечена околу 800 метри, да смести 1.200 мажи баратели на азил.
„Вечерва ќе зборувам за Пидингтон, но пред тоа ќе ви кажам зошто. Кога оваа недела ја слушнав најавата на Ангела Рејнер, бев длабоко револтирана. Не можев да поверувам. Причината е тоа што сум жена, но и мајка, и тоа мајка на возрасен син и на сосема мало девојче. Имам вест за која не знае ниту панелот ниту кој било друг: наскоро ќе бидам мајка на три деца, а моментално сум во 12-та недела од бременоста“, изјави таа.

Колегите во студиото беа видно изненадени, а еден од панелистите рече дека одамна не бил толку шокиран во текот на телевизиска емисија. Подоцна во емисијата ѝ донесоа торта украсена со розова и сина глазура, каква што се подготвува за откривање на полот на бебето.
Британските клиники ја одбиле
Хендеркамп раскажа дека заминала во Полска за да направи ИВФ, бидејќи британските клиники ја одбиле, затоа што не примаат жени на возраст од околу 55 години и постари.
„Нема да се преправам дека беше лесно, бидејќи не беше. Беа потребни три обиди. Седев во оваа емисија знаејќи дека претходниот обид не успеал“, изјави таа.
Додаде дека била изложена на критики поради својата возраст.

„Ми велеа дека сум себична, ме прашуваа што ако умрам за пет години. Како што знаете, се одржувам во добра форма, па се надевам дека тоа нема да се случи, но можно е. Алис има прекрасен живот, го обожава, и се надевам дека и ова дете ќе има таков живот. Што би било подобро, никогаш да не добијат прилика за живот?“, рече таа.
Алис е родена само два месеца пред ќерката на Калум, Изабела, а Хендеркамп претходно зборувала дека двете девојчиња се многу блиски. Во текст за „Daily Mail“ од 2023 година напишала дека ѝ било полесно да се породи на 51 отколку на 21 година. Објаснила дека бременоста на која било возраст може да помине лесно или да биде тешка и комплицирана, како и дека постарите мајки се изложени на поголем ризик од генетски компликации, но дека денес следењето на бременоста и тестирањето се многу напредни.















