Десетици илјади луѓе денеска се собраа во паркот Летна во Прага против предлогот чешките јавни медиуми да се финансираат преку државниот буџет, наместо со претплата, јавува Ројтерс.

Нацрт-законот предвидува укинување на месечната такса од 205 чешки круни за домаќинство и намалување на средствата за јавните радиодифузери за 15 проценти.

Владата и критичарите со различни аргументи

Критичарите предупредуваат дека директната буџетска зависност би ја ослабнала независноста на телевизијата и радиото и би ги изложила на политички притисоци.

Премиерот Андреј Бабиш, пак, вели дека владата исполнува ветување за олеснување на финансискиот товар врз граѓаните.

Предлогот поминал прелиминарно гласање и го чека натамошна расправа. Тој веќе предизвика еднодневен штрајк на вработените во јавната телевизија и радиото, со поддршка од студенти и уметници.

Протестот се одржа два дена пред 17 ноември, кога земјата го одбележува почетокот на Кадифената револуција од 1989 година.

Извор: Ројтерс.