Полицијата во Скопје уапси 19-годишник по претрес кај кого беа пронајдени марихуана, пари и бела прашкаста материја. Случајот е целосно документиран и ќе следува пријава.
Вчера во 18:40 часот на пешачка патека покрај реката Вардар на подраќје на Ѓорче Петров, полициски службеници од Единицата за недозволена трговија со дрога и оружје при СВР Скопје го лишија од слобода 19-годишниот Ф.С. од Скопје затоа што при извршен преглед над него била пронајдена и одземена марихуана, извести МВР.
Подоцна, со судска наредба и во координација со Одделот за криминалистичка полиција при МВР, извршен е претрес во домот и други простории на Ф.С., при што биле пронајдени и одземени бела прашкаста материја и пари.
По целосно документирање на случајот, против него ќе биде поднесена соодветна пријава, соопшти МВР.
