Американскиот претседател Доналд Трамп изрази незадоволство од раното стемнување во САД по преминот кон стандардното време и ги критикуваше сенаторите што не го усвоија Законот за заштита на сончевата светлина, кој би го укинал сезонското менување на времето.
Американскиот претседател Доналд Трамп се пожали дека во Соединетите Држави се стемнува премногу рано по преминувањето кон стандардното време. На својата платформа за социјални медиуми, „Truth Social“, тој го критикуваше Сенатот што не усвои закон со кој би се ставило крај на сезонското менување на времето, а летното сметање на времето би станало трајно.
„Штета е што Сенатот не го усвои ’Законот за заштита на сончевата светлина‘ – или, како што јас го нарекувам, ’Законот – не сакам повеќе да ги менувам часовниците‘. Надвор се стемнува толку рано. Сонцето зајде во 17:06 часот, а до 17:31 часот веќе беше целосен мрак. Зар не е тоа апсурдно?“ напиша Трамп.
„Пред само неколку дена, во истово време, беше толку убаво и сончево. Плус, сите трчаат наоколу и ги менуваат часовниците“, додаде американскиот претседател.
Too bad the Senate has not yet approved the Sunshine Protection Act or, the I Don’t Want to Change My Clocks Anymore Act. It’s so dark outside, so early (Sunset was 5:06 P.M., and it was dark by 5:31 P.M. — Isn’t that ridiculous?). Just a few days ago it was so nice and sunny at this same time. In addition, everyone’s been running around changing their clocks all over the place. I didn’t want to make a big deal out of this prior to the Election because I didn’t want to have certain Senators lose their Race, in a landslide, but it is too bad they can’t get it done. The House sent it over to the Senate with great bipartisan support, numerous times (308-117), but the Senate didn’t take it up. We have far bigger priorities, but I will keep fighting for this! President DONALD J. TRUMP
( TS: Nov 4 2026, 6:33 PM ET )
— Commentary Donald J. Trump Truth Social Posts On X (@TrumpTruthOnX) November 4, 2026
„Не сакав некој сенатор да ги изгуби изборите“
Трамп објасни дека, пред американските избори на средината на мандатот, не сакал премногу силно да инсистира на укинување на менувањето на времето, плашејќи се дека тоа би можело да им наштети на одредени републикански сенатори. Сепак, по изборите, тој повторно се наврати на прашањето за овој закон, кој веќе е усвоен во Претставничкиот дом.
„Не сакав да кревам голема врева околу тоа пред изборите, бидејќи не сакав некој сенатор да го изгуби своето место – и тоа убедливо да го изгуби. Но, штета е што не можат да го решат тоа“, напиша тој. „Претставничкиот дом го испрати предлог-законот до Сенатот со силна двопартиска поддршка – во неколку наврати (со 308 гласа ’за‘ наспроти 117 ’против‘) – но Сенатот воопшто не го разгледа. Имаме многу поважни приоритети, но јас ќе продолжам да се борам за ова“, изјави Трамп.
