Јужнокорејската војска соопшти дека ракетите биле истрелани од областа Вонсан утрово. Сеул разменува информации со САД и Јапонија и следи дали ќе има дополнителни лансирања.
Северна Кореја утрово лансирала серија балистички ракети со краток дострел од областа Вонсан кон морето, соопшти јужнокорејската војска.
Лансирањето било околу 12:30 по локално време, односно 04:30 по македонско време. Ројтерс првично извести за околу десет ракети, а поновата информација на АФП наведува околу дванаесет.
Екран со архивска снимка од севернокорејско лансирање, на станицата во Сеул на 29 октомври 2026. Фото: AFP / Philip Fong
Сеул го засили надзорот и разменува информации со САД и Јапонија во очекување на можни нови лансирања. Јапонските власти соопштија дека забележаниот проектил паднал надвор од нивната ексклузивна економска зона.
