Израелската војска известува дека во воени операции во Појасот Газа биле убиени двајца членови на вооружени палестински групи, поврзани со пренос на финансиски средства за Хамас и Исламски џихад.
Израелската војска соопшти дека во нападите во Појасот Газа биле убиени двајца припадници на палестински вооружени групи — Ала Ибрахим Нимер Арши, командант на ќелија на военото крило на Хамас, и Карам Ријад Хасан Абу Бутихан, член на Исламски џихад.
Според соопштението на израелската војска, двајцата биле поврзани со пренесување финансиски средства за Хамас. Израелската страна тврди дека милиони шекели биле префрлани од Иран и Турција за финансирање на групата.
Во рамките на истата операција, израелските сили погодиле и три складишта за оружје за кои се наведува дека ги користел Хамас.
