Оклопи, копја и изнајмени електрични велосипеди: необичен перформанс во лондонски парк привлече стотици гледачи и реакција од компанијата Lime.
Наместо коњи, изнајмени електрични велосипеди. Наместо обично возење низ парк, средновековен двобој со копја: така изгледал настапот што привлече стотици гледачи во Лондон Филдс.
Уметникот Џек Карден и актерот познат како Камтоломју Први облекле оклопи и на зелените велосипеди на Lime тргнале еден кон друг. Настанот се одржал на 17 октомври, а видеата потоа се прошириле на социјалните мрежи.
Според „The Standard“, публиката навивала додека учесниците се обидувале да го соборат противникот. Во една од снимките еден од нив паѓа од велосипедот. Карден го опишал настанот како уметнички перформанс.
Од Lime реагирале дека ја ценат желбата луѓето да се соберат, но дека безбедноста мора да биде на прво место. Велосипедите, порачале, се наменети за движење низ градот, а не за витешки двобои. Компанијата ги повикала луѓето да не го повторуваат настапот.
UPI на 21 октомври објави дека Карден најавил втор ваков настан за 31 октомври, без тогаш да соопшти точна локација.
Видео од објавата на Instagram:
Погледнете го видеото на Instagram
Кавер: кадар од видеото од двобојот во Лондон Филдс / The Standard.
