Повредата на Квича Кварацхелија е голема загуба за ПСЖ, но и за фудбалските фанови кои уживаа во потезите на Грузиецот, кој и сезонава беше еден од најважните играчи во редовите на европскиот шампион.
Фудбалерот сега оди на долга пауза во процесот на рехабилитација од повредата на коленото, а доби пораки со поддршка од сите страни на светот.
Една посебно го привлече вниманието, поради содржината, но и поради фактот што е потпишана од Кристијано Роналдо.
– Најтешките битки во фудбалот често се оние кои никој не ги гледа. Го знам тоа чувство, Квара.
– Но, никогаш не заборавај што те донесе таму каде што си сега и не дозволувај еден тежок момент да те натера да се сомневаш во сè она што можеш да го постигнеш.
– Одржувај го тој пламен жив. Допрва доаѓа најдоброто, – порачал Роналдо во пораката која го привлече вниманието на фановите.
