Македонската поетеса Марина Мијаковска ја објави стихозбирката „Млечни прозори / Млечни прозорци“ во Србија. Стихозбирката содржи избор поезија од неколкуте впечатливи стихозбирки на Марина Мијаковска: „Номадска душа“; „Куфери“; „Психоаналитичка алхемија од страсти“; „Постела на тишината“; „Коскена“ и „Свилени времиња“.

Објавување

Книгата е објавена од книгоиздателство „Арте“ од Белград, а главен и одговорен уредник е Миодраг Јакшиќ.

Двојазично издание

Стихозбирката „Млечни прозори / Млечни прозорци“ е објавена двојазично, на македонски јазик и во препев на српски јазик. Препевот на српски јазик го направија Марина Мијаковска и Миодраг Јакшиќ. Ова е прво дело на Мијаковска објавено на српски јазик.

Промоција

Стихозбирката „Млечни прозори / Млечни прозорци“ од Марина Мијаковска ќе биде промовирана на 31 октомври (сабота) во 15 часот во салата „Васко Попа“ на 69. издание на Меѓународниот саем на книгата во Белград.