Повеќе лица денеска се повредени кога две пијавици ја погодија областа Трапани во Италија, предизвикувајќи голема штета на објектите. Пијавицата го погоди подрачјето околу пристаништето во Марсала и помина низ делови од областа Трапани, јави агенцијата „Ansa“.
Во Марсала беше погодено училиште, а неколку лица се повредени, додека во градот Петрозино пијавицата зафати автомобил и го фрли во дол, при што две лица се повредени и пренесени во болница. Директорот на училиштето во Марсала, Леонардо Гулота, изјави дека зградата била уништена во налетот на пијавицата.
„Пијавицата директно го погоди подрачното училиште во Теренове и целосно го уништи. За среќа, немаше повредени меѓу персоналот, а пред сè ни меѓу децата, здобиени се само полесни гребнатини“, рече тој.
Video incredibile di Rosalba Pipitone, sempre da Marsala. Questo potrebbe essere il tornado siciliano più intenso da diversi decenni, ci sono auto scaraventate in giro. Seguiranno aggiornamenti https://t.co/9Af9y9w0pY
— Federico Pavan (@PavanFederico00) October 9, 2026
Во моментот кога поминала пијавицата, во училиштето имало 273 деца. Вртлозите се формирале на море и се движеле кон копното, наведе агенцијата. Денеска е на сила портокалово предупредување за временски непогоди во регионите Лацио и Кампанија поради можни поројни дождови. Патиштата во областа Кремона се поплавени по силно невреме со грмежи.
❗️Video di https://t.co/QhdqwB10Fo del tornado di questa mattina tra Petrosino e Marsala (TP).
Nove persone al pronto soccorso di Marsala, tra loro quattro bambini. Segnalati pesanti danni, con alcune abitazioni distrutte. https://t.co/IFrevXhzdR
— Italia 24H Live 🔴 – Notizie dall'Italia (@Italia24HLive) October 9, 2026
