Во Тетово е уапсена 35-годишна жена по пријава за физичко насилство врз нејзината 19-годишна ќерка. Исто така, се истражува случајот на запоставување и малтретирање на нејзиното десетмесечно бебе.
Ноќеска во 23:40 часот, полициски службеници од СВР Тетово ја лишија од слобода 35-годишната З.М. од Тетово.
Полицијата постапила по претходна пријава дека физички ја нападнала нејзината 19-годишна ќерка.
Како што пријавила ќерка ѝ, З.М. го запоставувала и малтретирала и своето десетмесечно бебе. Известени се Јавен обвинител и Центарот за социјални работи Тетово за понатамошна постапка.
По целосно документирање на случајот, против З.М. ќе бидат поднесени соодветни пријави.
