Поранешниот шпански репрезентативец, Никола Миротиќ има нов клуб, клуб со кој ќе продолжи да игра во најквалитетното натпреварување на стариот континент-Евролигата.
35-годишниот Миротиќ денеска беше официјализиран како засилување за Валенсија и тоа до крајот на оваа сезона.
- Здраво Валенсија, ми кажаа дека барате „четворка“, па еве сум тука, - порача Миротиќ.
Никола во последната година настапуваше за Монако, а претходно беше дел од Олимпија Милано, Барселона, Реал Мадрид и Паленсија.
Од 2014 до 2019 беше дел од НБА лигата, период во кој одигра преку 300 натпревари за Чикаго Булс, Њу Орлеанс и Милвоки Бакс.
Интересно е што во Валенсија има двајца играчи со македонски пасош, Ти-Џеј Шортс и Омари Мур.
