[ВИДЕО] Рибакина доби уште една голема битка со Сабаленка и ја освои титулата на Ју-Ес Опен

Ова беше нова голема битка меѓу овие две тенисерки во 2026 година, нова битка во финалните дуели на грен слем сцената и одново Рибакина излезе како победник исто како на Аустралијан Опен.

Нешто помалку од два ипол часа траеше соочувањето за пехарот, Рибакина отвори со 6-4, Сабаленка возврати со 7-5 за да потоа кога е најважно, тенисерката од Казахстан слави убедливо со 6-2 и дојде до третиот пехар на најважните турнири и сега и недостасува само уште победа на Ролан Гарос за да ја заокружи најважната „четворка“ во светот на тенисот.

Воедно таа намали на 10-8 во пресметката со ривалката од Белорусија, плус на новата ранг листа ќе биде на првото место, нешто што од претходно се знаеше.