Го пронашла неговата партнерка

Килич, кој остави неизбришлива трага во турската кинематографија, бил пронајден без знаци на живот откако со денови не одговарал на повиците на своите најблиски. Според пишувањата на тамошните медиуми, неговата партнерка отишла во неговиот дом, загрижена бидејќи тој не се јавувал од четвртокот.

Бидејќи никој не ја отворал вратата, таа влегла во станот и го затекнала актерот во бессознание во дневната соба. Екипата на Итната медицинска помош и полициски службеници набргу пристигнале на адресата, но можеле само да ја констатираат неговата смрт.

Истрага и сомнителни детали

Надлежните органи започнаа опсежна истрага за да се расветлат сите околности околу оваа трагедија. При првичниот увид, на телото на починатиот биле забележани модринки во пределот околу очите, како и на екстремитетите, пренесоа локалните медиуми.

Сепак, надлежните сè уште не потврдиле дали овие повреди се директно поврзани со смртта, а конечната причина ќе биде позната дури по обдукцијата и деталниот форензички наод.

Богата актерска кариера

Килич е роден на 8 јули 1975 година во Анкара, каде што дипломирал актерство на престижниот Универзитет Билкент. Во текот на својата повеќедецениска кариера остварил забележителни улоги во театарот, на филм и на телевизија.

Домашната и светската публика го памети по улогите во хит-сериите како „Езел“, „Заклетва“ (Söz), „Осумдесеттите“ (Seksenler) и „Основање: Осман“ (Kuruluş: Osman), а значаен придонес дал и во филмските остварувања: „Збогум“ (Veda), „Зимски сон“ (Kış Uykusu), „Точка“ (Nokta) и „Мавзер“ (Mavzer).