Во јужниот дел на Синај во Египет се случи сериозна сообраќајна несреќа со автобус при што загинаа најмалку 16 лица, а 28 се повредени. Несреќата се случи на патот помеѓу Дахаб и Нувеиба, а причините сè уште не се познати.
Страшна автобуска несреќа во Египет
Во сообраќајна несреќа со автобус во јужен Синај во Египет загинаа 16 лица, а 28 се повредени, соопштија властите.
Несреќата се случила на патот помеѓу Дахаб и Нувеиба, соопшти Министерството за здравство.
Синајскиот полуостров во јужен Египет е популарна туристичка дестинација, особено за нуркање во Црвеното Море.
Првичните извештаи сугерираат дека автобусот се превртел. Засега не е познато како се случила несреќата, дали возачот ја изгубил контролата или имало контакт со друго возило.
Бројни амбулантни возила се на местото на настанот, кои ги транспортираат повредените во болниците.
Исто така, засега нема информации дали станува збор за туристички автобус.
