Претседателот на Украина, Володимир Зеленски, најави зголемување на нападите со беспилотни летала врз Русија, предвидувајќи употреба на илјада дронови за интензивирање на операциите и подготвување за одбрана од руските напади.
Претседателот на Украина, Володимир Зеленски синоќа се закани дека ќе ги интензивира нападите со беспилотни летала длабоко на руска територија.
– Задачата е илјада дронови со долг дострел да извршат напади врз Русија. Во моментов, спроведуваме во просек повеќе од 300 такви напади со долг дострел, оваа бројка мора да се зголеми, наведе Зеленски во синоќешното редовно обраќање до нацијата.
Тој додаде дека Украина мора максимално да го искористи оружјето за да ги одбие руските напади.
– Украина мора значително да го зголеми производството на пресретнувачки ракети специјално дизајнирани за спротивставување на руските беспилотни летала, наведе Зеленски.
