Македонија направи значаен напредок во областа на сајбер-безбедноста и се искачи на 30-то место според националниот индекс, како резултат на нови законски мерки и стратегии за подобрување на дигиталната инфраструктура.
Владата предводена од ВМРО-ДПМНЕ направи значаен чекор напред во зајакнувањето на сајбер-безбедноста на државата. Како резултат на презимените мерки, Македонија се искачи од 59. на 30. место во светот според Националниот индекс за сајбер-безбедност, со 84,17 поени, се наведува во соопштението.
Од партијата посочуваат дека Владата донела нов Закон за безбедност на мрежни и информациски системи, ја усвоила Стратегијата за сајбер-безбедност 2025–2028 со Акциски план и ги зајакнала механизмите за координација и реакција при сајбер-инциденти.
„Со овие мерки се создава посигурна дигитална инфраструктура, подобра заштита на податоците на граѓаните и поголема отпорност на државните системи“, се наведува во соопштението.
Од ВМРО-ДПМНЕ оценуваат дека резултатот претставува конкретен ефект од спроведените реформи и чекор кон, како што велат, модерна и безбедна дигитална држава, во интерес на сите граѓани.
