На 22 август во Велес ќе се одржи хуманитарен концерт посветен на лицата со церебрална парализа, со настапи на Starboy & Friends и цел за подигање на јавната свест и поддршка за подобра иднина.
На 22 август (сабота), во Спарта Ивент Центар во Велес, ќе се одржи хуманитарниот концерт „Together for a Better Tomorrow – Заедно за подобро утре“, посветен на поддршка на лицата со церебрална парализа.
Со почеток во 20:00 часот, публиката ќе има можност да ужива во настапот на Starboy & Friends, а истовремено да стане дел од настан што ги обединува музиката, хуманоста и заедништвото.
Целта на концертот е да се подигне јавната свест за секојдневните предизвици со кои се соочуваат лицата со церебрална парализа, но и преку заедничка поддршка да се испрати силна порака дека секој човек заслужува еднакви можности, достоинство и пободра иднина.
Влезницата изнесува 300 денари, а настанот ќе трае од 20:00 до 00:00 часот.
Организаторите ги повикуваат граѓаните на Велес и сите луѓе со хумано срце да присуствуваат и со своето учество да ја поддржат оваа благородна иницијатива.
