Актерката Сидни Свини и музичкиот менаџер Скутер Браун уживаат во луксузниот одмор. Парот во петокот бил фотографирана како се качува на луксузната суперјахта на милијардерот Дејвид Гефен на Мајорка, Шпанија, а денот го поминале и возејќи се на џет-ски.
Суперјахтата „Rising Sun“, која е во сопственост на Гефен, се проценува на околу 400 милиони долари. Свини (28) при качувањето на јахтата носела бела блуза, жолти кратки панталони и кафеави каубојски чизми, додека Браун (45) исто така избрал лежерна комбинација – бела маица под откопчана светлосина кошула, кафеави кратки панталони и кралскосина бејзбол капа свртена наназад.
Актерката подоцна ја променила комбинацијата и облекла светлосин костим за капење и маица со долги ракави, пред да се качи на џет-ски. Браун ја носел истата маица, која ја комбинирал со сини шорцови за капење.
За време на одморот не ја кријат својата блискост. Биле фотографирани на луксузната јахта како разменуваат нежности, додека Свини носела розов костим за капење.
Свини и Браун ја започнаа својата врска откако се запознаа на свадбата на Џеф Безос и Лорен Санчез во Венеција во јуни 2025 година. Оттогаш речиси и да не се разделуваат, а својата блискост често ја покажуваат и во јавноста.
Минатиот месец овој пар, кој често патува, уживал во адреналинско банџи-скокање во Нов Зеланд, а престојувале и во Австралија.
Актерката од филмот „Christy“ тогаш на Инстаграм објави фотографија на која позирала со Браун покрај хеликоптер, како и фотографија од нив двајцата за време на авантуристички излет на отворено.
Извор за „Page Six“ во јуни изјавил дека нивната врска и понатаму е стабилна.
„Многу се среќни заедно. Навистина уживаат во времето поминато еден со друг“, рекол изворот.
Зборувајќи за нивниот однос, изворот додал дека меѓу нив постои искрена поддршка.
„Ниту на едниот ниту на другиот не му е потребен партнерот поради нешто. Нивниот однос не се заснова на интерес“, истакнал изворот.
Браун веќе отворено покажа колку му значи Свини. Откако Њујорк Никс во јуни ја освоија НБА титулата за 2026 година, поранешниот музички менаџер јавно ѝ изјави љубов на својата девојка.
„Сид, толку многу те сакам тебе и твоето семејство. Ти си најголемата амајлија за среќа во историјата за еден навивач на Њујорк Никс и Џетс“, рекол Браун за време на лет со приватен авион, во видео што го објавил неговиот пријател Стивен Рифкинд.
