Ѕвездата на американските серии „Heroes“ и „Nashville“ Хајден Панетиер почина на 36-годишна возраст. Членовите на нејзиното семејство ја потврдија веста за нејзината смрт.
„Со длабока тага ја споделуваме веста за трагичната смрт на нашата сакана Хајден. Таа беше неверојатно светло и природна сила која им донесе неизмерна љубов и радост на сите што ја познаваа и на милионите кои ја гледаа на екраните“, наведе нејзиниот татко Скип Панетиер.
Деталите за причините за нејзината смрт сè уште не се познати. Панетиер глумеше навивачка со супермоќи во серијата „Heroes“, а оствари и други успешни улоги во филмови како „Remember the Titans“ и „Raising Helen“.
Нејзиниот татко Скип Панетиер побара приватност бидејќи семејството сака да си даде време за да се справи со оваа загуба.
Панетиер ја започна кариерата како детска актерка, а имала само четири години кога ја добила улогата во „One Life to Live“. Подоцна се прослави со улогата на Клер Бенет во серијата „Heroes“, која се прикажуваше од 2006 до 2010 година. Нејзината кариера траеше речиси 30 години, со низа улоги во други хит-серии и филмови, меѓу кои и хорор-франшизата „Scream“ и романтичната комедија „I Love You, Beth Cooper“.
Претходно оваа година ги објави своите мемоари „This Is Me: A Reckoning“, во кои ги опишува предизвиците на растењето како детска актерка и своите искуства со зависноста, злоупотребата и подоцнежното закрепнување.
