Баерн Минхен беше еден од првите клубови кои изградија еден од најмодерните стадиони во светот, а како фудбалска величина која секогаш се стреми да биде во чекор со модерното време и технологијата, германскиот првак сега презентираше уште една иновација.
Баварскиот великан секогаш се грижи своите фудбалери да имаат најдобри услови и перфектна дренажа на теренот со цел топката да има брз проток, па водејќи се по оваа филозофија, во иднина ќе биде заменет човечкиот фактор и можноста за грешка при одржувањето на тревата.
Имено, Баерн Минхен како клуб го претстави автономниот робот „ТурфРобот“ за нега на тревникот на „Алијанц арена“, а видеото кое беше споделено брзо стана вирален хит.
Bayern introduced an autonomous TurfRobot at the Allianz Arena for pitch care. The smart machine uses 3D object detection and ultraviolet C light technology to disinfect the grass organically. This removes the need for chemical pesticides and prevents turf diseases [🎥 Allianz… pic.twitter.com/vDgFkw9yKw
— Bayern & Germany (@iMiaSanMia) August 16, 2026
Станува збор за супер-паметна машина која користи 3Д детекција на објекти, но која во себе има и модерна ултравиолетова Ц светлина за органска дезинфекција на тревата.
На овој начин, Баерн ќе исклучи грешка на човечки фактор при одржувањето на теренот, а ќе ја елиминира и употребата на хемиски пестидици кои се користат за спречување на болести кај тревата.
