Американските пејачи Крис Браун и Ашер моментално се на заедничка турнеја, а нивните настапи привлекуваат големо внимание, главно поради нивните интеракции со обожавателките на сцената. Иако двајцата имаат навика да поканат некого од публиката на сцената, неодамнешните настани предизвикаа дебата за границите на таквата практика.
Симулација на секс на сцената
За време на настапот во Њујорк минатата сабота, 37-годишниот Браун поканил обожавателка на сцената за време на изведбата на неговата песна „Take You Down“. Жената била врзана во стоечка положба, а пејачот извел танцова рутина што вклучувала симулација на сексуален однос.
Во еден момент, Браун ѝ се приближил и ја бакнал во вратот, а таа реагирала со воздишка, додека публиката во салата навивала.
Концерти или мека порнографија?
Видеото од настапот брзо стана вирално на социјалните мрежи, предизвикувајќи поделени реакции. Некои корисници ја критикувале експлицитноста на настапот, за време на кој пејачот бил виден како ја лиже потта од раката на обожавателка. „Дали е ова нормален танц или нешто друго среде бел ден?“ гласи еден од коментарите на социјалната мрежа Икс. Друг корисник напишал: „Концертите се претворија во мека порнографија“.
Други изразија забелешка за неодамнешниот инцидент на концертот на Ашер, каде што една обожавателка изгледала како да ѝ било многу непријатно на сцената. „Сега разбирам зошто таа девојка на концертот на Ашер беше вознемирена што не го доби Крис Браун“, се пошегувал еден корисник. Друг додал: „Мислеше дека ќе се забавува, но го доби Ашер“.
