Сидни Свини повторно е во центарот на вниманието, овојпат поради провокативната кампања на својот бренд за долна облека, во која ја покажа својата смела и гламурозна страна.
Актерката позираше во црн чипкан комплет што ги привлече погледите – елегантен градник, минијатурни танга-гаќички и појас за чорапи во комбинација со крзнени детали и проѕирни ракавици, создавајќи изглед што зрачи со луксуз и заводливост.
Во фокусот на кампањата е линијата „Seductress“, наменета за оние што сакаат посмели кроеви и женствени детали. Меѓу највпечатливите парчиња се градникот со длабоко деколте, појасот за чорапи и танга-гаќичките – модели осмислени да ја нагласат силуетата и да внесат доза самодоверба.
Сидни уште еднаш покажа зошто е заштитно лице на сопствениот бренд, а нејзините кампањи често привлекуваат големо внимание поради спојот на модата, гламурот и провокативниот стил.
Оваа колекција носи четири различни расположенија – од заводливо и смело, преку романтично и разиграно, до удобна секојдневна долна облека, а пораката на актерката е дека секоја жена може да ја избере онаа своја верзија што во дадениот момент најмногу ѝ одговара.
