Околу 49.000 мигранти преминале од Мароко во шпанската енклава Сеута во изминатите 24 часа, според проценките на локалните власти, што претставува еден од најголемите мигрантски бранови регистрирани во оваа област.
Според информациите, илјадници луѓе ја препливале морската граница што го дели Мароко од шпанската северноафриканска енклава, а приливот продолжил и во текот на ноќта.
Британскиот јавен сервис Би-Би-Си јави дека мигрантите продолжиле да пристигнуваат и денес, додека локалните служби се обидуваат да се справат со зголемениот број новодојдени.
Ceuta is paying the price for the Spanish Government’s massive regularisation, the failure to enforce EU return rules and its repeated delays in implementing the Migration Pact.
— Dolors Montserrat (@DolorsMM) July 30, 2026
Sánchez has lost control of Spain’s external border and his failure is now a European problem.… pic.twitter.com/BSQOPjhos7
Фотографиите и видеоснимките објавени во медиумите прикажуваат голем број мигранти кои се обидуваат пливајќи да стигнат до брегот на Сеута, додека безбедносните и спасувачките служби интервенираат долж крајбрежјето.
Шпанските власти внимателно ја следат состојбата, а засега не се соопштени дополнителни информации за мерките што ќе бидат преземени поради масовниот прилив на мигранти.
