Бруно Фернандеш сè уште е на продолжен одмор и се нема приклучено на тренинзите на Манчестер Јунајтед, но пред да биде дел од групата, капитенот веќе е во напредни индивидуални тренинзи за да се адаптира за предизвиците кои следат.
Играчот за врска имаше разочарувачко Светско првенство како и сите свои сонародници, но еден сувенир од мундијалот стана доста популарен поради фактот што Бруно го претстави додека тренира на летниот одмор.
Фернандеш го размени дресот со хрватскиот капитен Лука Модриќ по нивниот 1/16-финален дуел на Светското првенство, а сега Бруно го привлече вниманието со носење на истиот.
Португалецот јасно стави до знаење дека не собира колекција од дресови само за да му стојат во домашниот гардеробер, па со својот потег експресно предизвика и воодушевување кај фудбалските фанови.
– Класа препознава класа, – е најчестата реченица што се повторува на социјалните мрежи.
🇵🇹🇭🇷 Bruno Fernandes, in extra training on his own, wearing his Luka Modrić Croatia shirt.
— Football Tweet ⚽ (@Footballtweet) July 29, 2026
He swapped shirts with him at the World Cup in the Round of 32.
🤝 Game recognises game. pic.twitter.com/tVzVoY2vgd
